Парашэнку папрасілі арыштаваць з закладам у $35 мільёнаў
17- 17.01.2022, 19:08
- 10,876
Пракурор таксама прапанаваў абавязаць экс-прэзідэнта Украіны насіць электронны бранзалет.
Абвінавачанне папрасіла Пячэрскі раённы суд арыштаваць былога прэзідэнта Украіны Пятра Парашэнку паводле справы аб дзяржаўнай здрадзе з магчымасцю ўнясення закладу ў мільярд грыўняў (35,7 мільёна даляраў), абавязаць здаць пашпарты і насіць электронны бранзалет. Пра гэта паведамляе «Гордон».
«Прашу прымяніць да Пятра Парашэнкі меру стрымання ў выглядзе ўтрымання пад вартай на два месяцы», - сказаў пракурор, прапанаваўшы абавязаць экс-прэзідэнта насіць электронны бранзалет у выпадку ўнясення залогу.
Акрамя таго, бок абвінавачання просіць накласці на Парашэнку шэраг абавязанняў у выпадку ўнясення ім закладу:
прыбываць на кожнае патрабаванне да пракурора або ў суд;
не адлучацца з Кіева і Кіеўскай вобласці без дазволу;
апавяшчаць пракурора і суд аб змене месца жыхарства;
здаць свае пашпарты і іншыя дакументы, якія даюць магчымасць выезду з Украіны;
насіць электронны бранзалет.