Пацыент накінуўся з нажом на лекара ў гомельскай лякарні
- 17.01.2022, 20:19
- 10,184
Нападнік знаходзіўся на прымусовым лячэнні ў таксікалагічным аддзяленні бальніцы.
16 студзеня падчас начнога абходу ў гомельскай бальніцы 51-гадовы пацыент накінуўся з нажом на дзяжурнага лекара-таксіколага. Удары прыпалі ў вобласць шыі і рук, паведамляе прэс-служба МУС.
Пра здарэнне паведамілі паставому міліцыянеру. Разам з напарнікам ён затрымаў нападніка. Лекар знаходзіцца на амбулаторным лячэнні, яго жыццю нічога не пагражае.
Нападнік знаходзіўся на прымусовым лячэнні ў таксікалагічным аддзяленні бальніцы. Распачатая крымінальная справа за асабліва злоснае хуліганства.