Амаль палова расейцаў уважае, што ў 2022 годзе ў краіне магчымыя масавыя пратэсты
3- 17.01.2022, 20:52
- 8,884
Апытанне.
У Расеі 47% удзельнікаў апытання «Левада-цэнтра» ўважаюць, што ў 2022 годзе ў краіне магчымыя масавыя хваляванні і пратэсты. Адпаведныя вынікі «Левада-центр» апублікаваў 17 студзеня.
У той жа час супрацьлеглага меркавання прытрымліваюцца практычна столькі ж апытаных - 46%.
Прыкладна кожны пяты жыхар (22%) Расеі бачыць у будучым годзе патэнцыял дзяржаўнага перавароту, 68% так не лічаць. 37% рэспандэнтаў уважаюць, што можа адбыцца вайна з адной з суседніх краін, 53% прытрымліваюцца супрацьлеглага меркавання. Узброенага канфлікту з ЗША і краінамі NATO асцерагаюцца 25% расейцаў, большасць - 63% - думаюць, што гэтага не здарыцца.
Якіх яшчэ крызісных падзей чакаюць расейцы ў 2022 годзе:
масавыя эпідэміі - 70% лічаць гэтую падзею магчымым, 24% думаюць, што гэтага не адбудзецца;
гучныя карупцыйныя скандалы і адстаўкі міністраў - 69% супраць 21%;
эканамічны крызіс - 63% супраць 27%;
буйныя тэхнічныя катастрофы - 46% супраць 40%;
сутыкненні на нацыянальнай глебе - 35% супраць 56%;
абвастрэнне сітуацыі на Паўночным Каўказе - 25% супраць 59%.