23 траўня 2022, панядзелак, 0:17
Сім сім, Хартыя 97!
Рубрыкі

Францыя: Ніякага дыялогу з Лукашэнкам быць не можа

Францыя: Ніякага дыялогу з Лукашэнкам быць не можа

Парыж патрабуе вызвалення журналістаў і палітычных вязняў.

1 студзеня 2022 года старшынём Рады ЕЗ на шэсць месяцаў стала Францыя і менавіта гэтая краіна будзе ў гэтым паўгоддзі шмат у чым вызначаць акцэнты замежнай палітыкі Еўрапейскага Звязу. Учора на Нацыянальным сходзе Францыі прайшлі слуханні аб Беларусі, у якіх браў удзел кіраўнік МЗС Жан-Іў Ле Дрыян. Была прынятая рэзкая рэзалюцыя з асуджэннем рэжыму Лукашэнкі, а сам міністр Ле Дрыян зрабіў шэраг прынцыповых заяў, звяртае ўвагу гісторык Аляксандр Фрыдман.

1. Парыж патрабуе вызвалення журналістаў і палітычных зняволеных: «пакуль працягваюцца рэпрэсіі і ідзе здушэнне грамадзянскай супольнасці, ніякага дыялогу з Лукашэнкам быць не можа».

2. Нелегітымнасць Лукашэнкі не з'яўляецца прадметам абмеркавання: «аб прызнанні ўладаў не можа быць гаворкі да таго часу, пакуль у Беларусі не будуць арганізаваныя новыя свабодныя і празрыстыя выбары пад эгідай АБСЕ».

3. ЕЗ гатовы ўзмацніць санкцыі супраць рэжыму Лукашэнкі, але канкрэтныя пастановы будуць прымацца ў залежнасці ад развіцця сітуацыі.

4. Ад будучыні канстытуцыйнага рэферэндуму ў Беларусі Парыж нічога добрага не чакае: Ле Дрыян мяркуе, што гэты рэферэндум «несумненна» пройдзе ў стылі прэзідэнцкіх выбараў 2020 года.

Спампоўвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Хартыя-97».