Лукашысцкія памежнікі адкрылі агонь па двух беларусах, якія ехалі ва Украіну
27- 18.01.2022, 12:50
- 50,494
Інцыдэнт здарыўся сёння ўночы.
Уначы памежнікі з выкарыстаннем зброі затрымалі двух парушальнікаў, паведамляе Дзяржаўны памежны камітэт.
Уначы 18 студзеня ў памежнай паласе паблізу мяжы з Украінай беларускі памежны патруль зафіксаваў аўтамабіль Audi, які ехаў у напрамку дзяржаўнай мяжы па-за аўтамабільнымі дарогамі, паведамляе Дзяржаўны памежны камітэт.
У ДПК заявілі, што кіроўцу падалі знак аб спыненні, але ён яго праігнараваў, а пры спробе ўцячы - збіў памежніка.
«У мэтах недапушчэння супрацьпраўных дзеянняў памежным патрулём выкарыстаная табельная зброя - зроблены папераджальныя стрэлы ў паветра і па колах аўтамабіля. Зламыснікі спрабавалі ўцячы, але былі затрыманыя. Парушальнікамі былі двое грамадзян Беларусі», - гаворыцца ў паведамленні ведамства.
Цяпер прадаўжаюцца аператыўныя мерапрыемствы для высвятлення ўсіх абставін. Памежніку надалі дапамогу ў шпіталі.