Менскае «Дынама» выступіла супраць міні-турніру ў КХЛ пасля ковіднай паўзы

Менскія хакеісты просяць лігу разгледзець іншыя варыянты перазапуску чэмпіянату.

Менскае «Дынама» не падтрымлівае ідэю правядзення дадатковага раўнда «плэй-ін» пасля аднаўлення цяперашняга сезона КХЛ для вызначэння поўнага складу ўдзельнікаў Кубка Гагарына і просіць лігу разгледзець іншыя варыянты перазапуску чэмпіянату. Пра гэта заявіла прэс-служба менскага клуба.

Чэмпіянат КХЛ быў прыпынены з 15 студзеня праз новую хвалю пандэміі каранавіруса, якая выклікала рэкордныя выпадкі заражэння хакеістаў у клубах.

Як адзначаюць у клубе, адным з варыянтаў аднаўлення сезона з'яўляецца датэрміновае завяршэнне рэгулярнага чэмпіянату і правядзенне міні-турніру з удзелам каманд, якія займаюць у сваіх канферэнцыях месцы з сёмага па дзясятае. Па два пераможцы раўнда атрымаюць туры ў плэй-оф.

«Менскае «Дынама» хацела б выказаць сваю афіцыйную пазіцыю: улічваючы тое, колькі сіл і рэсурсаў затрацілі «зубры», які цяжкі шлях прайшлі па ходзе ўсяго чэмпіянату (працяг выступлення ва ўсечаным складзе ў лістападзе 2021 года), наш клуб не лічыць такі варыянт аднаўлення сезона аптымальным», - гаворыцца ў заяве.

Беларускі клуб адзначае, што пры такім варыянце ён страціць перавагу свайго лёду ў канцоўцы рэгулярнага турніру, дзе ў каманды запланаваны восем дамашніх матчаў. «Менчукам у канцы «рэгуляркі» трэба было згуляць яшчэ восем хатніх паядынкаў, да якіх «Дынама» можа падысці ў аптымальным складзе і паспрабаваць набраць максімум балаў, тым самым узняцца вышэй у турнірнай табліцы. Разлічваем, што ліга разгледзіць іншыя варыянты аднаўлення сезона», - адзначаецца ў паведамленні прэс-службы.