Голас Лукашэнкі так і не аднавіўся

Дыктатар размаўляе асіплым голасам мінімум сем дзён.

Лукашэнка 11 студзеня на цырымоніі ўручэння прэміі «За духоўнае адраджэнне» гаварыў ахрыплым голасам. Праз дзень дыктатар зноў з'явіўся на публіцы, але прамаўляў ужо асіплым голасам.

Сёння, 18 студзеня, Лукашэнка падчас сустрэчы з Наталляй Качанавай зноў казаў асіплым голасам. Такім чынам, голас хворага дыктатара не аднаўляецца мінімум сем дзён.

Нагадаем, 11 студзеня узурпатар прызнаўся, што падхапіў Covid-19. У канцы ліпеня 2020 года Лукашэнка ўжо хварэў на каранавірус. Тады ўзурпатар паведаміў, што перанёс каранавірус «на нагах».