Дзяржсакратар ЗША Блінкен прыбыў ва Украіну
6- 19.01.2022, 10:29
- 3,150
Кіраўнік амерыканскай дыпламатыі сустрэнецца з прэзідэнтам Зяленскім і міністрам замежных спраў Кулебам.
Дзяржаўны сакратар ЗША Энтані Блінкен прыляцеў ва Украіну, паведамляе агенцтва AFP.
«Блінкен прыбыў ва Украіну, каб выказаць падтрымку (Кіеву - рэд.) у сувязі з ростам асцярог што да расейскага ўварвання», - гаворыцца ў паведамленні.
#BREAKING US Secretary of State Antony Blinken arrives in Ukraine in a show of support as fears grow of a Russian invasion pic.twitter.com/45wkTuUMMr
— AFP News Agency (@AFP) January 19, 2022
У Кіеве Блінкен сустрэнецца з прэзідэнтам Уладзімірам Зяленскім і міністрам замежных спраў Дзмітрыем Кулебам.
Пазней ён наведае Бэрлін, дзе правядзе перамовы з прадстаўнікамі краін Трансатлантычнага чатырохкутніка (ЗША, Вялікабрытанія, Францыя і Нямеччына). 21 студзеня Блінкен сустрэнецца ў Жэневе з кіраўніком МЗС Расеі Сяргеем Лаўровым.
Тэмай усіх перамоў стануць агрэсіўныя дзеянні РФ, накіраваныя супраць Украіны і на дэстабілізацыю бяспекі ва ўсім рэгіёне. Хаўруснікі таксама абмяркуюць санкцыі, якія могуць спыніць агрэсара.
