У 37 гадоў памёр французскі актор Гаспар Ульель
4- 19.01.2022, 20:14
- 16,648
На гарналыжным курорце ён сутыкнуўся з іншым лыжнікам.
19 студзеня ў 37 гадоў памёр французскі актор Гаспар Ульель. На гарналыжным курорце ён катаўся на лыжах і сутыкнуўся з іншым лыжнікам, атрымаў цяжкую чэрапна-мазгавую траўму. У аўторак на гелікаптэры актора даставілі ў Грэнобль у мясцовую ўніверсітэцкую лякарню. Аднак выратаваць яго жыццё не ўдалося, паведамляе lemonde.fr.
Праводзіцца расследаванне акалічнасцей няшчаснага выпадку.
Гаспар Ульель пачаў здымацца ў кіно яшчэ юнаком. Ён двойчы (у 2005 і 2017 гадах) быў лаўрэатам нацыянальнай французскай кінапрэміі «Сезар». Актор вядомы з такіх фільмаў, як «Ганібал: Узыходжанне», «Сэн-Ларан. Стыль - гэта я», «Гэта ўсяго толькі канец свету».