У Тайландзе затрымалі сына Маўродзі
5- 19.01.2022, 20:40
- 12,938
Ён выклаў відэазапіс з аўтазака.
Максіма Мернэса, якога называюць пазашлюбным сынам памерлага заснавальніка фінансавай піраміды "МММ" Сяргея Маўродзі, затрымалі ў Тайландзе. Пра гэта сам маладзён паведаміў у сваім Instagram.
На сваёй старонцы ён запатрабаваў пільна затэлефанаваць у консульства Расеі. "Гэтае сваволле ніколі не скончыцца! Я буду сядзець у турме 5 гадоў незаконна!" - адзначыў Мернэс. Ён таксама выклаў відэазапіс з аўтазака, але аб прычынах затрымання не паведаміў.
У лістападзе 2021 года НТВ паведамляў, што Мернэс, які даўно жыве ў Тайландзе, стаўся галоўным падазраваным у крымінальнай справе. Мясцовыя ўлады абвінавачваюць яго ва ўзброеным нападзе.