У Сонечнай сістэме знайшлі яшчэ адзін падлёдны акіян

У Сонечнай сістэме існуюць некалькі сусветаў з акіянамі, схаванымі пад паверхняй.

Навукоўцы Паўднёва-Заходняга навукова-даследчага інстытута выявілі, што невялікі спадарожнік Сатурна - Мімас - можа мець унутраны падлёдны акіян. Пра гэта паведамляецца ў артыкуле, апублікаваным у часопісе Icarus.

Касмічны апарат Cassini у апошнія дні сваёй місіі выявіў лібрацыю – ваганні восі кручэння спадарожніка, якія могуць паказваць на геалагічную актыўнасць, здольную падтрымліваць унутраны акіян. Калі гэта пацвердзіцца, то спадарожнік будзе прадстаўляць новы клас акіянскіх сусветаў з паверхняй, якая не мае вонкавых прыкмет існавання велізарных аб'ёмаў вадкай вады.

У Сонечнай сістэме існуюць некалькі сусветаў з акіянамі, схаванымі пад паверхняй. Да іх належаць Еўропа, Тытан, Энцэлад, а таксама Плутон. На Мімасе паверхня пакрытая кратэрамі, таму навукоўцы не меркавалі, што пад ёй можа знаходзіцца акіян. На Энцэладзе і Еўропе ледзяная паверхня пакрытая расколінамі і мае іншыя прыкметы геалагічнай актыўнасці.

Прыліўныя працэсы рассейваюць арбітальную і круцільную энэргію спадарожніка ў выглядзе цяпла. Такое прыліўнае награванне ўнутры Мімаса мае быць дастаткова вялікім, каб акіян не замярзаў, але дастаткова маленькім, каб падтрымліваць абалонку таўшчынёй 22-32 кіламэтры.