Біткойн перайшоў да хуткага росту

Кошт крыптавалюты перавысіў адзнаку 43 000 даляраў.

Крыптавалюта біткойн падчас таргоў 20 студзеня перайшла да хуткага росту, дадаўшы ў кошце больш за 3%. На гэты момант біткойн прадаецца вышэй за адзнаку 43 200 даляраў.

Пра гэта паведамляе РБК са спасылкай на звесткі крыптавалютнай біржы Coindesk.

На 18:50 курс біткойна знаходзіцца на адзнацы 43521 даляр за манету. Гэта вышэй за папярэдні тыднёвы максімум, які быў зафіксаваны 10 студзеня на адзнацы 42 980 даляраў.

Профільныя выданні пішуць, што біткойн расце, нягледзячы на ўзлом крыптабіржы Crypto.com. Падтрымку яму аказвае мякчэйшы даляр і высокі ўзровень рызыкі на ўсіх асноўных рынках.

Нагадаем, на мінулым тыдні біткойн абваліўся адразу на 10% і ўпаў ніжэй за 40 000 даляраў упершыню з верасня 2021 года. Абвал адбыўся на фоне ўзмацнення жорсткасці палітыкі Федэральнай рэзервовай сістэмы ЗША і масавых пратэстаў і беспарадкаў у Казахстане, дзе знаходзяцца найбуйнейшыя магутнасці для майнінгу крыптавалют.