25 траўня 2022, Серада, 22:41
Сім сім, Хартыя 97!
Рубрыкі

Вяртанне блуднага Пракаповіча

22
Вяртанне блуднага Пракаповіча
ПЁТР ПРАКАПОВІЧ
ФОТА: BYMEDIA

Зваротны адлік запушчаны.

Прадаўжаем экскурс у глыбіні свядомасці «крэпкіх гаспадарнікаў». Учора мы расказвалі, што хунта нацэлілася на грошы нерэзідэнтаў у беларускіх банках, піша тэлеграм-канал «Нік і Майк».

Сёння - новая частка. Назавём гэтую серыю «Вяртанне блуднага Пракаповіча». Чалавек-легенда і ўладальнік у свой час рэкорднай колькасці пасад апошнім часам знік з радараў. Аднак крызіс паднімае з наменклатурнага дна ўсё паскуддзе.

Вось і заслужаны будаўнік Пракаповіч наважыў выратаваць Айчыну. Дакумент цудоўны ўсім. Па-першае, санкцыі (у трактоўцы Пракаповіча - «антыбеларускія») усё ж працуюць. Аднак, як выявілася, шкодны Захад спансаваў не толькі кампенсацыю штрафаў і НДА, але і дапамагаў, да прыкладу, мадэрнізаваць памежныя пераходы да Еўрапейскіх гульняў і рэканструяваць дарогі. Цяпер крэдытаў на гэта ніхто не дасць.

Па-другое, Пракаповіч прыходзіць да геніяльнай высновы, што прыцягненне крэдытаў для будаўніцтва дарог невыгоднае, бо гэтую пазыку трэба «вяртаць ужо з адсоткамі і несці лішнія страты». За плюс пенсіянер уважае тое, што «не будзе неабходнасці аддаваць прыбытак ад будаўніцтва беларускіх дарог замежным банкам і яшчэ атрымліваць ад іх за гэта «падзяку» ў выглядзе шантажу і санкцый». Л - логіка.

З уласцівай Пракаповічу прастатой ён выказаў здагадку залезці ў кішэню да старэйшага брата Вовы, раз ужо па-добраму гэты брат даваць грошай на беларускі эканамічны цуд не жадае. Так, грошы на будаўніцтва дарог трэба ўзяць у расейскіх банках, дакладней - у іх беларускіх дачок. «Не бачу ніякіх цяжкасцей для прыцягнення на працяглы перыяд ад матчыных расейскіх банкаў неабходных сродкаў». Геніяльна ж!

Губа ў Пракаповіча не дурніца, і такім параўнальна сумленным спосабам ён мае намер прыцягнуць у эканоміку Беларусі 3,6 млрд рублёў (1,4 млрд даляраў) за пяць гадоў. Мы ўсёй рэдакцыяй мяркуем, што за гэтую ідэю Пракаповіча можна смела вылучаць на Нобелеўскую прэмію па эканоміцы. Хто за? Хто супраць? Хто ўстрымаўся? Дзякуй, прынята аднагалосна.

Застаецца толькі задацца пытаннем, чаму размова ідзе толькі аб праграме будаўніцтва дарог? Бо такім чынам можна і пенсіі выплачваць, і нафту ў самой Расеі набываць. Увогуле, падобна, «Ашчадбанку», «БелЗЭБу» і «Альфе» варта прыгатавацца. Могуць прыйсці «раскулачваць». Прыклад рэйдэрскага захопу «Белгазпрамбанка» ўсе памятаюць. Тады рэакцыя Крамля была млявая, што дазваляе хунце думаць, што гэтая лінія не вельмі і чырвоная.

Ну, а само па сабе з'яўленне бацькі некалькіх дэфолтаў у Беларусі павінна прымусіць прызадумацца нават самых закаранелых «адэптаў стабільнасці». Зваротны адлік запушчаны.

Спампоўвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Хартыя-97».