25 траўня 2022, Серада, 21:46
Сім сім, Хартыя 97!
Рубрыкі

Меркаванне: Пачаўся перыяд «палявання» на Лукашэнку

18
Меркаванне: Пачаўся перыяд «палявання» на Лукашэнку

Хто першым дабяжыць і зліе дыктатара, той атрымае «залаты злітак».

Бяссонная ноч прадаўжаецца хаатычным днём. За мінулы перыяд рэжым не прыдумаў нічога, акрамя млявай рэплікі: «А ІКАО нічога такога не знайшла».

ІКАО ўсё ж знаходзіцца на арбіце ААН, у якую ўваходзяць Расея з правам вета і кучка таталітарных «сяброў» Лукашэнкі. Прадаўжэння ў гэтай восі мы наўрад ці ўбачылі б, піша тэлеграм-канал CYNIC.

З ЗША ўсё дастаткова адназначна. Да расследавання былі падключаныя спецслужбы ў пытаннях тэрарызму. Але «расследаванне» як такое было немагчымае без «кратоў» унутры сістэмы Лукашэнкі. Выведка і контрвыведка грунтуецца не столькі на «дзірках» у бяспецы звестак, колькі на прамых «кантактных асобах».

Нас хутчэй за ўсё чакае чарговы этап пошуку «кратоў» і «агентаў», у выніку якога сапхнуць у роў з кракадзіламі ўсіх невінаватых і недатычных.

Чысткі ў сістэме заўсёды сканчаюцца адназначна жаласна для рэжыму – у шэрагах застаюцца толькі верныя слугі без прафесійнай падрыхтоўкі і хітрыя ценевыя гульцы са сваімі мэтамі і планамі. Фактычна знішчаецца пласт прафесіяналаў, якія могуць выкіраваць сітуацыю са згубнай.

Цяпер магчымая актывізацыя праз лінію Інтэрпола. Змусіць да адказнасці абвінавачаных будзе дастаткова праблематычна, аднак пад гарантыі бяспекі ў рамках супрацоўніцтва са следствам любы з фігурантаў або іхніх памочнікаў можа выявіць дадатковыя звесткі пра рэйс Пратасевіча.

Любая асоба, якая мінімальна звязаная з палётам, цяпер можа атрымаць поўную бяспеку, калі пачне зліваць кавалачкі сістэмы часткамі. У аперацыі натуральна ўдзельнічала больш за 4 чалавекі, і вось паказанні на іх будуць вітацца.

Прычым гаворка ідзе менавіта пра фізічную бяспеку, таму што суд зрабіў 4 фігурантаў недатыкальнымі (хоць логікі ў рэжыму мала, можа пачаць прыбіраць і іх як сведак, хоць такое не практыкуецца – прыбіраюць усіх, хто мае дачыненне, але не засвяціўся), а вось усіх астатніх падвёў пад групу рызыкі.

І ўсе, хто так ці інакш распрацоўваў і рэалізоўваў аперацыю, – гэта паўнавартасныя сведкі, якія могуць быць скарыстаныя амерыканскім бокам для прадаўжэння расследавання. Так што ў іх застаецца не такі ўжо і багаты выбар: альбо спадзявацца, што сістэма «сваіх» не прыбярэ [з чаго б раптам ёй верыць?], альбо пад рэальныя гарантыі фізічнай і юрыдычнай недатыкальнасці перадаць інфармацыю ў Штаты, застаўшыся тамака назаўжды, змяніўшы знешнасць, пашпарт і да т. п.

Цяпер Штаты літаральна паставілі на стол залаты злітак. Хто першы дабяжыць і раскажа ўсе падрабязнасці, той атрымае «ўсё». Ды і ўказаны квартэт таксама можа атрымаць некаторыя юрыдычныя паслабленні.

Гэта ўвогуле традыцыйная мадэль: калі ловяць верхаводаў банды, то на волю выйдзе той, хто пачне зліваць поўны яе спіс, з адрасамі, тэлефонамі, складам сем'яў першым.

А цяпер пагрозу грандыёзнага зліву нельга ніяк абмежаваць.

Найгоршы час для любой сістэмы – гэта перыяд «палявання на ведзьмаў». І ён пачаўся.

Спампоўвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Хартыя-97».