Стала вядома, на колькі ў 2022 годзе вырастуць кошты на паслугі ЖКГ для беларусаў

Наступнае падаражэнне чакаецца 1 чэрвеня.

У Міністэрстве антыманапольнага рэгулявання і гандлю распавялі, на колькі ў 2022 годзе вырастуць кошты на паслугі ЖКГ для насельніцтва, паведамляе «Еўрарадыё».

Павелічэнне тарыфаў будзе праведзенае ў два этапы: з 1 студзеня і з 1 чэрвеня.

З 1 студзеня 2022 года вырастуць тарыфы на:

- электразабеспячэнне - на 10,9%;

- газазабеспячэнне - на 11,9%;

- водазабеспячэнне - на 14,2%;

- водаадвядзенне (каналізацыю) - на 15,2%;

- капітальны рамонт - на 8,8%;

- тэхнічнае абслугоўванне - на 12,9%;

- тэхнічнае абслугоўванне ліфта - на 9,9%;

- кіраванне агульнай маёмасцю - на 7,3%;

- абыходжанне з цвёрдымі камунальнымі адкідамі - на 13,5%.

З 1 чэрвеня падаражэе цеплазабеспячэнне - на 8,8%.