Якім будзе надвор'е ў нядзелю

Падрабязны прагноз сіноптыкаў.

23 студзеня надвор'е будзе фармаваць поле паніжанага атмасфернага ціску. Воблачна з праясненнямі. Уначы на большай частцы тэрыторыі, удзень месцамі па краіне пройдзе кароткачасовы снег, піша pogoda.by.

На асобных участках дарог галалёдзіца. Вецер паўночны ўмераны. Тэмпература паветра ўначы -6...-13°С, на паўночным усходзе да -15°С, удзень ад -4°С на паўднёвым захадзе да -12°С на паўночным усходзе Беларусі.

24 студзеня надвор'е будзе вызначаць у асноўным поле павышанага атмасфернага ціску, сфарміраванае ў арктычнай паветранай масе. Пераменная воблачнасць. Пераважна без ападкаў, толькі ўначы на паўднёвым усходзе краіны ў асобных раёнах пройдзе невялікі кароткачасовы снег. Уначы і раніцай месцамі чакаецца туман, намаразь. На асобных участках дарог галалёд. Вецер няўстойлівы слабы. Тэмпература паветра ўначы -11..-18°С, у асобных раёнах -19..-24°С, на поўдні месцамі -9..-10°С; удзень -4..-10°С, месцамі да -13°С.