Дазвальняліся
18- 23.01.2022, 15:26
- 79,704
Працаваць на беларускіх прадпрыемствах проста няма каму.
На пачатак 2022 года працадаўцы Віцебшчыны заявілі аб наяўнасці 8,9 тысячы вакансій, што на 37,7 адсотка больш, чым на 1 студзеня 2021 года (6,4 тысячы), паведамляе тэлеграм-канал БАР.
Найбольш папулярныя ў працадаўцаў прафесіі: швачка, кіроўца аўтамабіля, касір, прадавец, слесар-рамонтнік, слесар па рамонце аўтамабіляў, электразваршчык.
Сярод спецыялістаў і службоўцаў сталым попытам карыстаюцца: бухгалтары, інжынеры, медсёстры і лекары.
Гэта значыць, гэта тыя самыя працоўныя прафесіі, якія не адрозніваюцца ў Беларусі высокімі заробкамі. Узнікае цалкам заканамернае пытанне: якія ж маленечкія заробкі прапануюць наймальнікі, што нават заўзятыя ябацькі і прыхільнікі «стабільнасці» адмаўляюцца ісці на такую працу?