Эстонія не плануе эвакуаваць працаўнікоў з пасольства ў Кіеве
2- 24.01.2022, 12:04
- 1,930
Талін заявіў, што Крэмль спрабуе ўсіх запалохаць.
Амбасадар Эстоніі ва Украіне Кайма Кууск заявіў, што ў адрозненне ад ЗША Эстонія не будзе эвакуаваць сваіх работнікаў з Кіева.
Пра гэта паведамляе Delfi.
Са слоў Кууска, у сталіцы Украіны спакойна, няма ніякай панікі праз магчымую атаку з боку Расеі.
«Нядаўна шпацыраваў Майданам і пачуў там нават эстонскую прамову. Звычайны выходны дзень», - сказаў ён.
Дыпламат заявіў, што палітычны парадак дня ўплывае на людзей, але прэзідэнт Украіны Уладзімір Зяленскі падкрэсліў, што не трэба дазваляць сябе запалохваць.
«Гэта і ёсць мэта Масквы», – сказаў ён.