У Фаніпалі кватэры засталіся без вады
1- 24.01.2022, 14:19
- 2,668
Ваду даводзіцца браць у цыстэрне.
У нядзелю, 23 студзеня, у кватэрах і прыватных дамах у Фаніпалі знікла вада. Выданне Fanipol.by паведамляе, што ўсё адбылося праз прарыў у сетцы гарадскога водаправода.
Паведамляецца, што камунальныя службы падалі ваду ў кватэры прыкладна а 22.00, аднак праз нізкі напор яна не даходзіць да кватэр на апошніх паверхах.
У панядзелак, 24 студзеня, некаторыя кватэры ўсё яшчэ застаюцца без вады. КУП «Маладзечнаводаканал» арганізавала падвоз вады, цыстэрну размясцілі ля гіпермаркета «Еўраопт» на вуліцы Зялёнай.