Беларускім пенсіянерам параілі выкарыстоўваць кіі з завостранымі шыпамі

Навошта?

У тэлеграм-канале менскай ЖКГ параілі паджылым людзям выкарыстоўваць палку з завостранымі шыпамі.

Такія рэкамендацыі звязаны з магчымым утварэннем наледзі на дарогах і ходніках. Іх дае МНС Беларусі, паведамляе telegraf.by.

Дарэчы, не зусім зразумела, як выглядае палка з завостранымі шыпамі і дзе такую можна ўзяць. Цікава, што пошукавікі на запыт выдаюць такія варыянты, але яны наўрад ці пасуюць:

Мабыць, патрэбны кій, якая не будзе саслізгваць на зямлі, а дапаможа абаперціся і не ўпасці. Існуюць спецыяльныя наканечнікі, якія мусяць забяспечваць устойлівасць нават на няроўнай дарозе, прадухіляць слізгаценне па лёдзе і захоўваць стабільныя пазіцыі на марозе.

Напрыклад, такі:

Адмысловыя кіі прадаюць у некаторых аптэках.

Што раяць у галалёд усім беларусам?

па магчымасці заставайцеся дома;

выкарыстоўвайце абутак на суцэльнай рэльефнай падэшве;

перасоўвайцеся асцярожна, наступаючы на ўсю падэшву;

паджылым людзям, рэкамендуецца выкарыстоўваць кіёк з гумовым наканечнікам або палку з завостранымі шыпамі;

выбірайце бяспечны маршрут, пасыпаныя пяском дарожкі;

дзе магчыма, трымайцеся за поручні.

Што рабіць, калі паслізнуліся?

прыцісніце рукі да тулава, імкніцеся ўпасці на бок;

папрасіце мінакоў дапамагчы вам;

не спяшаецеся падняцца, пераканайцеся, што няма траўмаў;

пры ўзнікненні болю не рухайцеся;

выклічце хуткую дапамогу праз тэлефон 103.

ДАІ папрасіла беларусаў не ездзіць на аўто ў найбліжэйшыя дні. І зноў праз надвор'е.

У Дзяржаўтаінспекцыі папрасілі беларусаў па магчымасці не ездзіць на асабістым транспарце ў найбліжэйшыя дні.