Чэхія перадасць Украіне артылерыйскія набоі

Дапамога будзе накіраваная праз пагрозы ўварвання Расеі.

Урад Чэхіі адобрыў перадачу Украіне 4000 артылерыйскіх набояў. Дапамога будзе накіраваная праз пагрозы ўварвання Расеі.

Пра гэта паведамляе выданне Idnes.

Выданне піша, што сёння міністр абароны Чэхіі Яна Чарнахова прапанавала бязвыплатна перадаць Украіне партыю 152-міліметровых артылерыйскіх набояў. З яе слоў, ва Украіну магло быць адпраўлена амаль 5000 адзінак боепрыпасаў.

Паводле звестак Idnes, урад ухваліў перадачу 4000 набояў на суму амаль 37 млн крон (1,7 млн даляраў).

«Мы краіна, у якой ёсць свой досвед вайсковай акупацыі, і таму мы не гатовы проста так назіраць за нечым падобным. Нават у сітуацыі, калі гэта непасрэдна не датычыцца Чэхіі. Але гэта закранае нас ускосна, гэта пагражае нашай бяспецы», - заяўляў сёння ў парламенце прэм'ер-міністр Пётр Фіяла, каментуючы магчымасць вайсковых паставак Украіне.