На будоўлі пад Магілёвам абрынуўся 23-метровы будаўнічы кран

Фотафакт.

У аграгарадку Палыкавічы Магілёўскага раёна на будаўніцтве пяціпавярховага дома перакуліўся будаўнічы кран, паведамляе прэс-служба МНС.

Здарэнне адбылося, калі кран паднімаў груз. Вышыня вежавага крана 23 метры, грузападымальнасць 10 тон.

Папярэдне паведамляецца, што пацярпелых пры здарэнні няма. Кранаўшчыка даставілі для медычнага абследавання.

Сам кран атрымаў механічныя пашкоджанні, а новабудоўля не пашкоджаная.