Топ калядных песень ад беларускіх музыкаў
2- 7.01.2022, 17:50
- 5,182
Сярод іх - вядомы сусветны гіт Jingle Bells па-беларуску ад гурта «Палац».
Сёння праваслаўныя вернікі святкуюць Каляды. «Белсат» сабраў прыгожыя калядныя песні ў выкананні беларускіх музыкаў, якія дапамогуць акунуцца ў атмасферу свята.
Пачнем з навінак. Зміцер Вайцюшкевіч і WZ-Orkiestra адмыслова пад Каляды прадставілі сумесную святочную песню і цёплы кліп «Пад ялінкай».
Гурт Naviband таксама прэзентаваў сваю новую песню, але ўжо з іншым настроем. «Сумнае свята» – пра тое, што ўсім нам баліць.
А цяпер звернемся да каляднай класікі. Калядны гімн «Ціхая Ноч» быў напісаны ў 1818 годзе ў Аўстрыі і перакладзены на дзясяткі моў. Паслухайце, як ён гучыць па-беларуску ў выкананні настаўніцы з Гомеля Вальжыны Цярэшчанка.
У мінулым годзе гурт NaviBand павіншаваў беларусаў з Калядамі беларускай версіяй песні Happy Xmas (War is over) Джона Ленана. Слухаем!
Вядомы сусветны хіт Jingle Bells гучыць і па-беларуску дзякуючы гурту «Палац»:
Ужо сапраўдная калядная класіка ад беларусаў. Творчы тандэм згаданага намі Змітра Вайцюшкевіча (якога мы яшчэ згадаем тут не раз) і паэта Уладзіміра Некляева стварылі калядны шэдэўр «На Каляды».
Яшчэ адзін творчы тандэм Вайцюшкевіча, але ўжо з гуртом РСП – «Валёначак святога Мікалая».
Таксама ўжо нашая класіка – «Цуд на Каляды» ад Аляксандра Памідорава з праекту «Святы вечар»:
«Каляды» у выкананні Алеся Дзянісава (Dzieciuki) і «Палаца». Добра пасуе для спявання за святочным сталом:
А гэта вельмі пяшчотная песня ў выкананні Хані i Ядзі Багдановiч. Прыгожы кліп распавядае пра тое, што «У гэтую Святую Ноч» кожны з нас можа стварыць маленькі цуд для іншых.
У працяг – утульная цёплая «Калядная песня» ад «Крамбамбулі»:
Не можам тут асобна не ўзгадаць калядныя песні пад гітару ад мэтра Лявона Вольскага. Лампавыя відэа з далёкага 2007 года ствараюць асаблівую атмасферу. Ну, і Лявон, канешне:
«Званочкі»
«Менская Каляда»
Крышку каляднага фолку – ад неймавернага «Палацу»:
«Хрыстос нарадзiуся»
«Святы вечар»
Даўненька мы не ўзгадвалі Зміцера Вайцюшкевіча. А дарма! Яго рытмічная «Калядка» адназначна заслугоўвае нашай увагі:
А вось цэлая «Балада пра святога Мікалая» ад барда Віктара Шалкевіча:
«Каляда» у стылі фанк ад «Песняроў». Так-так, вы правільна пачулі:
І ў канцы хуліганская песня ад «Крамбамбулі» – «Партызаны каляднага лесу»: