29 сакавiка 2024, Пятніца, 12:00
Падтрымайце
сайт
Сім сім,
Хартыя 97!
Рубрыкі

Турцыя выступіла супраць анэксіі Расеяй украінскіх тэрыторый

11
Турцыя выступіла супраць анэксіі Расеяй украінскіх тэрыторый

Апублікаваная афіцыйная заява Міністэрства замежных справаў.

Турцыя не будзе прызнаваць анэксію Расеяй часова акупаваных украінскіх тэрыторый. Улады падтрымліваюць суверэнітэт Украіны.

Пра гэта паведамляе РБК-Украіна са спасылкай на заяву Міністэрства замежных справаў Турцыі.

У МЗС нагадалі, што Турцыя не прызнала незаконны «рэферэндум» і анэксію Крыма ў 2014 годзе, а таксама падкрэслівала сваю падтрымку Украіны.

«У адпаведнасці з гэтай пазіцыяй, якую мы занялі ў 2014 годзе, мы не прымаем пастанову Расеі анэксаваць Данецкую, Луганскую, Херсонскую і Запарожскую вобласці Украіны», – гаворыцца ў заяве.

Турцыя адзначыла, што не можа прыняць пастанову Расеі, якая з'яўляецца грубым парушэннем устаноўленых прынцыпаў міжнароднага права. Пры гэтым у МЗС заявілі, што падтрымліваюць мірныя перамовы для заканчэння вайны ва Украіне.

Нагадаем, учора Пуцін абвясціў пра анэксію акупаваных тэрыторый Луганскай, Данецкай, Запарожскай і Херсонскай абласцей.

ЗША, Вялікая Брытанія і Канада ўжо адрэагавалі на незаконную пастанову Расеі і ўвялі дадатковыя санкцыі.

Напісаць каментар 11

Таксама сачыце за акаўнтамі Charter97.org у сацыяльных сетках