«Расейскія вайскоўцы, вы акружаныя»: УСУ прапануюць гарнізону Лімана здацца
43- 1.10.2022, 11:31
- 43,816
Украінскія вайскоўцы паказалі кадры з «катла».
Украінскія абаронцы паказалі актуальную сітуацыю ў Лімане, дзе адбылося аператыўнае акружэнне войскаў РФ.
Ролік з перадавой апублікавала Радыё Свабода.
На знятых байцамі кадрах украінскія сілы прасоўваюцца лесапалосамі, а на фоне гучыць запіс з заклікам да ворага здавацца ў палон.
«Вайскоўцы УС РФ, Сілы абароны Украіны захапілі Ліман, далейшы супраціў не мае сэнсу – вы акружаныя... Памятаеце, сваёй уладзе вы не патрэбныя, для іх вы – гарматнае мяса, вы патрэбныя сваім родным дома», – кажа голас на запісе.
Расейскім войскам параілі выйсці на найбліжэйшую дарогу ці населены пункт, скласці зброю і дачакацца прадстаўнікоў Узброеных сілаў Украіны з паднятымі рукамі і здацца ў палон.
Таксама байцы УСУ паказалі кінутую расейцамі ваенную тэхніку.