Піянткоўскі: Пуціна прыбяруць пасля дзвюх яркіх перамог УСУ
11- 1.10.2022, 13:30
- 21,340
Крэмль пачне выпрошваць у Захаду капітуляцыю на больш выгадных умовах.
Асяроддзе прэзідэнта РФ Уладзіміра Пуціна разумее, што ў вайне ва Украіне параза. Прыбраўшы Пуціна, Крэмль пачне выпрошваць у Захаду капітуляцыю на больш выгадных умовах.
Такі прагноз даў палітолаг Андрэй Піянткоўскі ў эфіры FREEДОМ.
Паводле словаў эксперта, цяпер надыходзіць апошні перыяд дзейнасці Пуціна ў Расеі.
«Ён пагаршае пазіцыі ўсяго свайго атачэння. Яго акружаюць такія ж нягоднікі, як і ён: яны ўсе прагнулі знішчэння Украіны, усе падтрымлівалі гэты праект. Але большасць людзей з нармальнай псіхікай зразумелі, што ў вайне параза», – кажа Піянткоўскі.
У той самы час, як сцвярджае палітолаг, перад асяроддзем Пуціна стаіць значна важнейшая задача.
«Так, яны не перасталі ненавідзець Украіну, але для іх больш актуальна захаваць уладу і велічэзную ўласнасць у Расеі, краіне, якая церпіць паразу. Лінія Крамля цяпер – усімі сродкамі, з дапамогай міжнародных пасярэднікаў дамагацца перамір'я, спынення агню, але неяк зафіксаваць нейкія захопленыя пазіцыі і знайсці нейкую мяккую форму адступлення, не ганебнага захавання ва ўладзе», – сцвярджае Піянткоўскі.
Пасля выступу ў Самаркандзе Пуцін зразумеў, што мірнага адступлення няма, што ягоныя ж паплечнікі вельмі хутка ад яго пазбавяцца. Бо без яго ім лягчэй будзе дамаўляцца з Захадам і можа быць нават з Украінай, адзначае Піянткоўскі.
«Пуцін ужо развязвае пытанні сваёй асабістай улады, захавання сваёй пасады, таму што ў расейскай сістэме, страціўшы ўладу, ён страціць і жыццё. Але гэта доўга адбывацца не можа. Дзве сур'ёзныя, яркія перамогі ўкраінскіх войскаў – і для мяне відавочна, што асяроддзе ад яго (Пуціна – рэд) пазбавіцца і паспрабуе знайсці мякчэйшыя ўмовы капітуляцыі, чым тыя, з якімі ім давялося б сутыкнуцца пры захаванні Пуціна», – упэўнены палітолаг.