Беларусь 2 кастрычніка ахутае туман
3- 1.10.2022, 14:27
- 3,078
Сіноптыкі падзяліліся прагнозам надвор'я на нядзелю.
Аранжавы ўзровень небяспекі абвешчаны ў Беларусі 2 кастрычніка. Як паведамляе Белгідрамет, ноччу і раніцай у многіх раёнах краіны чакаецца туман.
Бачнасць у тумане складзе ад 100 да 500 метраў.
Менск не стане выключэннем, папярэджвае МНС і нагадвае, што асабліва пільнымі ў такое надвор'е трэба быць усім удзельнікам дарожнага руху.
Аўтамабілістам трэба адмовіцца ад лішніх перастраенняў, абгонаў, апярэджанняў. Важна браць да ўвагі, што туман прыглушвае адлегласць – мэтазгодна павялічыць звычайную дыстанцыю, знізіць хуткасць.
Надвор'е ў нядзелю будзе пераважна воблачнае, з ападкамі і парывістым ветрам. Па захадзе – пахмурна, часам дажджы. Тэмпература днём +12… +14ºС. На паўночным усходзе – кароткачасовыя дажджы, у Віцебску і Магілёве будзе +10… +12ºС. У Гомелі – да +13ºС і таксама дажджы.
У сталіцы ноччу без істотных ападкаў, ноччу ўсяго +4… +6ºС, днём чакаецца дождж з парывістым ветрам і +10… +12ºС.