«Газпрам» спыніў пастаўкі газу ў Італію
4- 1.10.2022, 17:26
- 12,422
Расейская кампанія заявіла, што яна не можа транспартаваць газ праз Аўстрыю.
Пасля сямі месяцаў поўнамаштабнага расейскага ўварвання ва Украіну "Газпрам" спыніў пастаўкі газу ў Італію праз Аўстрыю.
Пра гэта гаворыцца ў паведамленні расійскага "Газпрама".
"Газпрам" паведаміў італьянскай нафтагазавай групе Eni, што з 1 кастрычніка не зможа пастаўляць газ у Італію праз "немагчымасць яго транспартавання" праз Аўстрыю.
У "Газпраме" заявілі, што гэтая пастанова звязаная са зменай аўстрыйскага заканадаўства.
"Транспартаванне расейскага газу па кантрактах ТАА "Газпрам экспарт" праз тэрыторыю Аўстрыі прыпыненае ў сувязі з адмовай аўстрыйскага аператара пацвярджаць транспартныя намінацыі", — гаворыцца ў паведамленні "Газпрама".