Кожны шосты беларус старэйшы за 65 гадоў

Нацыя старэе.

У Беларусі пражывае 1 476 736 грамадзян, чый узрост перасягнуў за 65 гадоў. Такім чынам, адзін паджылы чалавек прыпадае на 6,2 жыхара краіны.

Такія звесткі змяшчаюцца ў аглядзе Белстата, прысвечаным Дню паджылых людзей, які штогод адзначаецца 1 кастрычніка, піша thinktanks.by.

У аглядзе адзначаецца, што за апошнія 10 гадоў колькасць людзей, чый узрост перавысіў 65-гадовую мяжу, вырасла на 14%.

Большасць паджылых людзей у Беларусі (66,8 адсотка) жанчыны.

72% найбольш узроставых грамадзян жывуць у гарадах.

545 404 чалавекі - самотныя людзі. 74% з іх - удовы.