У цісканіне на стадыёне ў Інданезіі загінулі 129 чалавек
4- 2.10.2022, 10:03
- 4,462
Незадаволеныя заўзятары каманды, якая пацярпела паразу, выйшлі на поле пасля гульні.
Футбольны матч у Інданезіі, які праходзіў увечары 1 кастрычніка, скончыўся трагедыяй. Незадаволеныя заўзятары каманды, якая пацярпела паразу, выйшлі на поле пасля гульні, а расчараванне гульнёй перарасло ў беспарадкі. У цісканіне загінула мінімум 129 чалавек, паведамляе агенцтва Reuters.
Mau nangis melihat tragedi malam ini di kanjuruhan, kami yg tidak tau apa2 juga ikut jadi korban pedisnya gas air mata, saling berdesak2kan, semuanya panik.
— Akib (@AbdRakibFaisal) October 1, 2022
apa kabar para balita & wanita yang ada didalam stadion?
Tidak kah kalian memikirkan itu?
🥲😔 @PSSI #aremania #persebaya pic.twitter.com/os7QjkL5HK
Інцыдэнт адбыўся ўвечары суботы ў правінцыі Усходняя Ява. Калі матч скончыўся, заўзятары каманды, якая пацярпела паразу, выйшлі на поле. Паліцыя паспрабавала стрымаць людзей, выкарыстаўшы слезацечны газ, але гэта толькі пагоршыла сітуацыю. На стадыёне пачалася цісканіна.
#Update: Just in - Other video footage of when a clash broke out after a football match between Arema and Persebaya in #Indonesia, after they were cornered by riot police, and got tear gassed to death, resulting in 127 people dead and 180 people injured of oxygen shortages. pic.twitter.com/ZZdr7RbgnM
— Sotiri Dimpinoudis (@sotiridi) October 1, 2022
«Гэта стала анархіяй. Яны пачалі нападаць на паліцыю, пашкоджвалі машыны», – расказаў журналістам кіраўнік паліцыі Усходняй Явы Ніка Афінта. Паводле ягоных словаў, цісканіна адбылася, калі фанаты ўцякалі да выхаду.
У выніку пацярпелі блізу 180 чалавек, яшчэ 129 загінулі. Пазней кіраўнік адной з лякарняў, у якіх прымалі параненых, паведаміў, што ў ліку загінулых было пяцігадовае дзіця. Мясцовыя ўлады ўжо паабяцалі фінансава дапамагчы пацярпелым і сем'ям загінулых.
#Breaking: Just in - Reports of mass rioting going on at police vehicles, in #Indonesia, after they found out that riot police inside the stadium caused the death of 153 people. pic.twitter.com/vR8IYrMYxe
— Sotiri Dimpinoudis (@sotiridi) October 2, 2022
Пасля суботняй трагедыі камісія ў правах чалавека Інданезіі заклікала праверыць працу службаў бяспекі на месцах. Так, ФІФА паказвае ў сваіх правілах бяспекі, што сцюарды ці паліцыя не павінны мець пры сабе ці выкарыстоўваць агнястрэльную зброю ці газ «для стрымлівання натоўпу». Акрамя таго стала вядома, што на стадыёне, які змяшчае не больш за 38 тыс. чалавек, у суботу прысутнічала блізу 42 тыс. наведвальнікаў.