Відэафакт: Украінскія вайскоўцы адпрацавалі абарону мяжы з Беларуссю

УСУ правялі вучэнні «Паўночны ўраган».

Узброеныя сілы Украіны ў рамках вучэнняў «Паўночны ўраган» адпрацавалі разам з Нацгвардыяй і Дзяржпамежслужбай абарону дзяржаўнай мяжы Украіны з Беларуссю. Відэа з вучэнняў апублікаваў 1 кастрычніка ў Fаcebook Генеральны штаб УСУ.

Вучэнні прайшлі «ў рамках падрыхтоўкі да магчымых пагрозаў з боку Беларусі».

«Падраздзяленні сілаў абароны Украіны адпрацоўваюць спосабы супрацьдзеяння магчымым сцэнарам развіцця падзей, якія могуць узнікнуць, а таксама пытанні каардынацыі, кіравання і ўзаемадзеяння пры выкананні агульных задачаў», – растлумачылі ў Генштабе УСУ.