Па вуліцах Флорыды плавала акула

За дзень відэазапіс набраў больш за 12 мільёнаў праглядаў у Twitter.

Тэрыторыя вакол дома ў горадзе Форт-Маерс у штаце Флорыда ператварылася ў сцэну з фільма «Сківіцы» пасля таго, як на ўзбярэжжы амерыканскага штата абрынуўся ўраган Іэн, адзін з наймацнейшых ураганаў. Відэа было апублікаванае ў Twitter.

На відэазапісе нейкая істота кідаецца ў вадзе, а на паверхні залітага вадой газону відаць характэрны плаўнік. Мясцовыя жыхары празвалі загадкавую рыбу «вулічнай акулай».

Акулу заўважылі на вуліцы падчас урагану Іэн.

За дзень відэазапіс набраў больш за 12 млн праглядаў у Twitter. Карыстальнікі дзівіліся і пры гэтым выказвалі сумневы ў тым, ці сапраўды гэта акула, праз мемы і фэйкавыя відэа з акуламі, якія часта з'яўляюцца.

Акула заплыла на вуліцу падчас шторму.

Прафесійныя фактчэкеры з навіннага агенцтва Storyful і The Associated Press праверылі метазвесткі запісу і пацвердзілі, што на відэа сапраўды акула.

Некаторыя журналісты сумняваюцца, акула гэта ці іншая вялікая рыба.

«Пасля пяці гадоў, цягам якіх даводзілася аспрэчваць фэйкавыя відэа з акуламі, якія з'яўляліся пасля чарговага ўрагану ці паводкі, перада мной сапраўды вулічная акула», – адзначыў журналіст Джэйн Літвіненка.

Супрацоўнікі AP сумняваюцца, акула гэта ці нейкая іншая вялікая рыба. На запісе відаць плаўнік, але гэта адзінае, што паказвае на марскога драпежніка. Прадстаўнікі агенцтва спасылаюцца на словы двух экспертаў, адзін з якіх сказаў, што гэта, відаць, маладая акула, а паводле словаў іншага, складана сказаць з пэўнасцю, што менавіта гэта.