Пасля Лімана УСУ нанеслі магутны ўдар па войску РФ на новым адрэзку фронту

Расейцы адступаюць у раёне Залатой Бэлькі.

Расейскія вайсковыя прапагандысты і так званыя «ваенкары» б'юць трывогу аб сітуацыі на фронце не толькі на Ліманскім кірунку, але і на поўдні, паведамляе dialog.ua.

Адзін з найбуйнейшых ваенных тэлеграм-каналаў РФ «Два маёры» піша пра цяжкую для расейцаў сітуацыю ў Херсонскай вобласці, дзе паводле звестак акупантаў УСУ сёння ноччу пачалі новую хвалю наступу.

Згодна з інфармацыяй, якая паступае з расейскага лагера, Украіна пачала наступ пры падтрымцы 150 адзінак бронятэхнікі, прымусіўшы акупацыйныя сілы РФ адступаць.

Паводле інфармацыі, якая паступае ад акупантаў, украінскія вайскоўцы ўзялі пад поўны кантроль населены пункт Залатая Бэлька.

«Падраздзяленні УС РФ панеслі страты. Тэрыторыя раней кантраляваная нашымі перадавымі часткамі на гэтым адрэзку фронту занятая ворагам», – пішуць расейцы.

Больш за тое, праблема для Масквы пагаршаецца тым, што на адзначаным адрэзку фронту ў расейцаў адсутнічае рэзервы. Пры гэтым новыя падраздзяленні ўкраінскай арміі прадаўжаюць прыбываць. Расейцы асцерагаюцца, што пад націскам УСУ ім давядзецца зноў пакінуць свае пазіцыі, адыходзячы яшчэ далей на поўдзень.