У Херсонскай вобласці акупанты закопваюць у траншэі бочкі з невядомым рэчывам
31- 2.10.2022, 13:07
- 34,322
Украінскія вайскоўцы патлумачылі, што гэта можа быць.
У Херсонскай вобласці акупанты закопваюць у траншэі бочкі з невядомым рэчывам. Адпаведныя фота і відэа пачалі распаўсюджвацца ў сеціве.
Кіраўніца аб'яднанага прэс-цэнтра Сілаў аховы і абароны Поўдзень Наталля Гумянюк у эфіры тэлемарафону патлумачыла, для чаго войскі РФ могуць гэта рабіць.
Паводле ейных словаў, у камандавання ёсць некалькі версій, але яны не для разгалашэння.
Гумянюк падкрэсліла, што калі распаўсюджванне гэтых кадраў у інтарэсах акупантаў, то гэта прапагандысцкая задача, накіраваная на запалохванне ўкраінцаў.
«Адзінае, што можам сказаць, ніякай панікі быць не можа… Яны (акупанты – рэд.) спрабуюць псіхалагічна ціснуць на мясцовае насельніцтва. Мы ведаем усе магчымыя пагрозы і працуем з насельніцтвам тых рэгіёнаў, дзе гэта магчыма, яны ўсё дасведчаныя і ведаюць, як правільна дзейнічаць», – адзначыла яна.