Зяленскі: Украінскія вайскоўцы цалкам зачысцілі Ліман ад акупантаў

Прэзідэнт Украіны назваў дакладны час канчатковага вызвалення горада.

Украінскія вайскоўцы цалкам зачысцілі Ліман (Данецкая вобласць) ад акупантаў. Гэта пацверджана на стан 12.30 сёння.

Пра гэта паведамляе РБК-Украіна са спасылкай на прэзідэнта Уладзіміра Зяленскага падчас відэазвароту.

«На стан 12:30 Ліман зачышчаны цалкам. Дзякуй нашым вайскоўцам, нашым ваярам, слава Украіне!» – сказаў Зяленскі.

Нагадаем, учора ўкраінскія байцы ўзялі Ліман пад свой кантроль, адпаведнае відэа вайскоўцы апублікавалі ў сеціве, а вызваленне горада пацвердзілі і ў Офісе прэзідэнта Украіны.