«Кавун - па рублю, за памідоры можна патаргавацца»

Што і па колькі прадаюць на Камароўцы ў першыя выходныя кастрычніка.

У сярэдзіне восені на гандлёвых шэрагах па-ранейшаму поўна гародніны, садавіны, зеляніны і ягад. Можна прыцаніцца да дарагіх імпартных трускалак і брусніц - яны каштуюць танней. Бульбу на Камароўцы прадаюць прыблізна па 1,2 рубля за кіло, кабачкі — 1,7, піша агенцтва «Минск-Новости».

Сярэдні кошт бульбы - 1,2 за кіло, але можна знайсці і варыянты таннейшыя. За памідоры прадаўцы просяць ад 3 да 10 рублёў за кілаграм, агуркі аддаюць за 4–4,5, але атрымаецца знайсці і больш нізкі кошт. Салодкія перцы прадаюць за 3-5 рублёў, баклажаны - за 3,5. Каляровую капусту і брокалі можна купіць за 4 і 6,5 рубля адпаведна. За кбачкі давядзецца заплаціць 1,7, за цыбулю — 1,3 за кіло.

За шкляначку кізілу прадаўцы просяць 5 рублёў, буякоў — 6. Па-ранейшаму можна набыць і трускалкі, але значна даражэй, чым улетку: за кілаграм імпартных ягад просяць 15 рублёў. Кошт брусніц і журавін пачынаецца ад 5,5 і 9 рублёў адпаведна. За абляпіху давядзецца аддаць прыкладна 15 рублёў.

Беларускія яблыкі можна знайсці за 2 рублі, грушы - за 4. Хурму і нектарын прапануюць набыць за 5 рублёў, але ёсць варыянты і даражэйшыя. Апельсіны атрымаецца купіць за 2,5, кавун - за 1 рубель за кіло.

На рынку па-ранейшаму шмат зеляніны. Пятрушка і зялёная цыбуля каштуюць па 1,2 за 100 г, шпінат, рукала і кінза - па 1,9.