10 дзяржаў NATO падтрымалі ўступленне Украіны ў Альянс

Сярод іх - Польшча і Літва.

Украіна дзякуе хаўруснікам за падтрымку яе ўступлення ў NATO. Размова ідзе ўжо пра дзесяць дзяржаў-чальцоў блока. Пра гэта паведамляе РБК-Украіна са спасылкай на Twitter дарадцы кіраўніка Офіса прэзідэнта Украіны Міхаіла Падаляка.

- За 48 гадзін з падпісання заяўкі на ўступленне ў NATO 10 краін блока падтрымалі чаленства Украіны ў Альянсе. У асноўным гэта краіны, якія добра памятаюць атрутныя кіпцюры ru-імперыі. Дзякуй хаўруснікам за дэманстрацыю лідарства і адказнасці. Гісторыя робіцца сёння, - напісаў Падаляк.

Нагадаем, што 30 верасня прэзідэнт Украіны Уладзімір Зяленскі абвясціў аб падачы заяўкі на ўступленне ў NATO і адзначыў, што краіна разлічвае на далучэнне ў паскораным парадку.

Адзначым, што ўжо 10 краін падтрымалі чаленства Украіны ў NATO, такія як Чэхія, Эстонія, Латвія, Літва, Паўночная Македонія, Чарнагорыя, Польшча, Румынія, Славаччына і Канада.

Згодна з алгарытмам працэдуры ўступлення ў блок, падтрымаць чаленства Украіны павінны ўсе яго 30 краін-чальцоў.