Палкоўнік СБУ: На Поўдзень Украіны акупанты перакідваюць першых мабілізаваных

Са слоў Рамана Кастэнкі, сярод іх ужо ёсць першыя загінулыя.

Узброеныя сілы Украіны назіраюць перакідванне першых мабілізаваных на поўдзень Украіны. Пра гэта паведаміў палкоўнік СБУ Раман Кастэнка.

- Дадатковы рэсурс ворага - заўсёды дрэнна для поля бою. Бо гэта заўсёды людзі ў танках, з аўтаматамі і іншай вайсковай тэхнікай. Таму, якой бы якасці яны не былі, у кожным выпадку яны будуць страляць у нас, - растлумачыў ён.

Кастэнка дадаў, што на гэтым кірункуўжо ёсць першыя забітыя мабілізаваныя расейцы.

- Аднак не магу не пагадзіцца з тым, што сапраўды ўсё залежыць ад якасці мабілізацыйнага рэсурсу Расеі. Мы разумеем, што першыя мабілізаваныя з РФ ужо ёсць на поўдні Украіны. І першыя забітыя таксама ёсць. Украінская артылерыя будзе шчыльней біць па акупантах, колькі б іх бы не было, - падсумаваў палкоўнік СБУ.