УСУ знішчылі найноўшы самалёт Су-34 элітнай авіядывізіі РФ
9- 2.10.2022, 18:49
- 24,984
Бамбавік збілі ў раёне Лімана.
У раёне Лімана Данецкай вобласці байцы Узброеных сіл Украіны збілі расейскі бамбавік Су-34.
Яго рэгістрацыйны нумар RF 81852, бартавы 09 чырвоны. Фота абломкаў ваеннай машыны РФ апублікаваў украінскі ваенны карэспандэнт Андрэй Цапліенка.
Ён удакладніў, што самалёт уваходзіў у склад 2-га змешанага авіяпалка 21-й авіядывізіі, які размешчаны на аэрадроме Шагол у Чэлябінскай вобласці.
РасСМІ раней пісалі, што Су-34 былі новымі самалётамі на авіябазе Шагол.
Акрамя таго, як пісалі расейскія прапагандысты, 21-я авіядывізія стала самым магутным авіязлучэннем, разгорнутым у РФ.