Войска Украіны за дзень знішчыла пяць расейскіх камандных пунктаў
4- 2.10.2022, 19:35
- 7,668
Зліквідаваныя тры склады з баявымі прыпасамі.
Украінскія войскі знішчылі пяць камандных пунктаў расейскіх акупантаў, тры іхнія склады з баявымі прыпасамі і 14 мясцін засяроджвання жывой сілы, узбраення і вайсковай тэхнікі ворага. Пра гэта гаворыцца ў паведамленні на старонцы Генеральнага штаба Узброеных сіл Украіны наконт вынікаў аперацыйнай інфармацыі на 18.00.
Адзначаецца, што авіяцыя Сіл абароны Украіны на працягу дня нанесла чатыры ўдары.
- Пацверджанае траплянне ў два месцы збою ўзбраення і вайсковай тэхнікі, а таксама два зенітныя ракетныя комплексаў ворага. Акрамя таго, украінскія падраздзяленні супрацьпаветранай абароны збілі восем іранскіх ударных беспілотных лятальных апаратаў "Shahed", - гаворыцца ў паведамленні.
Акрамя таго, ракетныя войскі і артылерыя за гэты дзень, сярод іншага, пацэлілі ў пяць камандных пунктаў, 14 мясцін засяроджвання жывой сілы, узбраення і вайсковай тэхнікі, тры склады з боепрыпасамі і паліўна-аліўнымі матэрыяламі, а таксама больш за 15 іншых важных аб'ектаў акупантаў.