У цэнтры Гомеля і Віцебска двары шматкватэрных дамоў патанаюць у лужынах

Ліўнёўкі ў абласных гарадах існуюць толькі на паперах.

Жыхарам дома па вуліцы Веткаўскай, 1 у Гомелі не пашанцавала, паведамляе «Беларусь за МКАДом». З-за няправільна выкладзенага асфальту, а таксама адсутнасці ліўнёвак, дажджавая вада сцякае ім у двор і ўтварае цэлую раку. Пасля залевы выплываць можна ўжо на лодцы.

На працягу двух гадоў неаднаразова падаваліся заяўкі на 115 і праз дадатак, аднак праблема не ліквідаваная.

На апошніх двух фота ўжо віцебскі двор на Маскоўскім праспекце: вада стаіць на дарозе, што нават не прайсці, не гаворачы ўжо аб тым, што да аўто не магчыма дайсці. Так кожны раз, калі ідзе дождж.

Можна меркаваць, што недзе на паперы ліўнёўкі ёсць і вельмі добрымі коштамі за праект і яго рэалізацыю.