Беспілотнікі атакавалі Чарнаморскі флот РФ у Севастопалі

Рух караблёў на рэйдзе cпаралізаваны.

У Севастопалі раніцай 29 кастрычніка зафіксавалі атаку дронаў на Чарнаморскі флот РФ, якая нарабіла немалы перапалох і паралізавала рух караблёў на рэйдзе.

Як адзначаюць мясцовыя тэлеграм-каналы, у горадзе адбіваюць «напады беспілотнікаў».

Відэа атакі дронов на Чарнаморскі флот РФ апублікаваў «Аператыўны ВСУ».

Рэйд у Севастопалі часова перакрыты, катары і паромы не ходзяць праз Севастопальскую бухту.

«Паважаныя севастопальцы. Часова перакрыты рэйд - паромы і катары не ходзяць. Дабрацца можна з плошчы Нахімава і плошчы Захарава на аўтобусах», - удакладнілі мясцовыя «ўлады».

Раней «губернатар» Севастопаля Міхаіл Развазжаеў паведаміў, што караблі Чарнаморскага флоту Расеі «адбіваюць атаку беспілотнікаў у акваторыі Севастопальскай бухты".

Акупанты скардзяцца на дроны ЗША

У расейскіх СМІ пастанавілі не абмяжоўвацца толькі ўкраінскімі, але ўзгадалі пра амерыканскія беспілотнікі. Як адзначаюць у выданнях, паблізу бухты на момант нападу знаходзіўся таксама стратэгічны дрон-выведчык RQ-4B-40 Global Hawk. Са слоў ворагаў, ён баражаваў у нейтральнай паветранай прасторы над акваторыяй Чорнага мора.

Сапраўды, паводле звестак Flightradar24, беспілотнік такі быў у акваторыі Чорнага мора. Але і тут няма нічога дзіўнага. Амерыканскія беспілотнікі і да пачатку поўнамаштабнага ўварвання маніторылі сітуацыю паблізу межаў Украіны.