СМІ: Выведка NATO папярэдзіла хаўруснікаў аб магчымым пуску Расеяй ядзернай супертарпеды «Пасейдон»

Тарпеда абсталяваная ядзернай боегалоўкай і здольная выклікаць «радыеактыўнае цунамі».

Разведка NATO разаслала найбольш важным супольнікам справаздачу аб перамяшчэннях падлодкі «Белгарад». Як піша італьянская газета La Repubblica, выведка асцерагаецца, што з АПЛ можа быць зроблены пуск супертарпеды «Пасейдон», якую называюць «зброяй апакаліпсісу». Тарпеда абсталявана ядзернай боегалоўкай і здольная выклікаць «радыеактыўнае цунамі», адзначае выданне. Эфект ад яе пуску спецыялісты параўноўваюць з запускам міжкантынентальнай балістычнай ракеты, адзначае The Insider.

La Repubblic піша, што створаныя ЗША сістэмы з інфрачырвонымі датчыкамі для адсочвання ракетных пускаў у выпадку з «Пасейдонам» будзе бескарыснай, паколькі «супертарпеда» спраектавана так, каб выпраменьваць вельмі мала цяпла. Яна бясшумна рухацца з хуткасцю больш як 100 км/г», адзначае La Repubblica.

Падлодка «Белгарад» была спушчаная на ваду ў Северадзвінску ў 2019 годзе. Улетку 2022 года ВМФ Расеі атрымаў першую субмарыну. 184-метровая субмарына «Белгарад» з'яўляецца самай доўгай з існых падлодак, паведамляў раней CNN. Яе даўжыня перавышае нават памер амерыканскіх падлодак класа Агаё (171 метр). Гэтыя субмарыны ўваходзяць у склад стратэгічных ядзерных сіл ЗША. Расейскую лодку надтачылі «з мэтай размяшчэння першых у свеце тарпед з ядзерным узбраеннем і абсталявання для збору выведвальнай інфармацыі», адзначае CNN.

Ядзерныя тарпеды Пасейдон завуць зброяй Суднага дня. Пра іх стала вядома пасля таго, як у 2015 годзе на расейскай тэлевізіі была «выпадкова» паказана старонка прэзентацыі праекта, які тады яшчэ насіў назву «Статус-6».

Аднак, як высветлілі спецслужбы ЗША, «выцек» быў наўмысны. На думку амерыканскіх чыноўнікаў, паказ ядзернай тарпеды быў часткай плана, накіраванага на тое, каб адгаварыць ЗША ад разгортвання супрацьракетнай абароны ў Еўропе.

ТАСС пісаў, што «Пасейдон» можа несці ядзерную баявую частку магутнасцю да 2 мегатон. Гэта ў 100 разоў больш, чым у бомбы, скінутай на Хірасіму, і ў 10 разоў больш, чым у апошняй версіі ядзернай бомбы B61, распрацаванай у ЗША.