Экс-кіраўнік ЦРУ аб адказе на ядзерны ўдар РФ: Мы знішчым усе іх войскі ва Украіне

Таксама будзе затоплены Чарнаморскі флот.

ЗША на чале сіл NАТО знішчаць усе расейскія войскі і тэхніку на тэрыторыі Украіны і ў Крыме, а таксама затопяць караблі Чарнаморскага флоту РФ у выпадку, калі Расея наважыцца ўвасобіць свае пагрозы і нанесці ўдар тактычнай ядзернай зброяй па Украіне. Пра гэта ў інтэрв'ю ABC News заявіў былы кіраўнік ЦРУ, генерал войска ў адстаўцы Дэвід Петрэус у інтэрв'ю.

"Мы знішчым усе канвенцыйныя сілы, якія зможам убачыць і ідэнтыфікаваць на полі бою ва Украіне і Крыме, а таксама ўсе расейскія караблі ў Чорным моры", – заявіў Петрэус.

На ягоную думку, такога канвенцыйнага ўдару ад ЗША будзе дастаткова і не давядзецца наносіць ядзерны ўдар.

“Гэта не можа застацца без адказу. Але яно не пашыраецца - гэта не ядзернае для ядзернага. Вы не хочаце ўмешвацца ў ядзерную эскалацыю, - сказаў Петрэус. – Але вы павінны паказаць, што гэта нельга прыняць ні ў якім разе”.