Якое надвор'е чакае беларусаў на гэтым тыдні

Прагноз на 4-6 кастрычніка.

4 кастрычніка варункі надвор'я ў Беларусі будзе вызначаць тылавая частка цыклону з цэнтрам над Наўгародскай вобласцю Расеі. Чакаецца воблачнае, удзень з праясненнямі надвор'е. На большай частцы тэрыторыі пройдуць дажджы, уночы па захадзе месцамі проліўні, піша pogoda.by.

Вецер паўночна-заходні парывісты, па заходняй палове моцны парывісты. Мінімальная тэмпература паветра ўночы будзе знаходзіцца ў межах ад +3°С да +9°С, максімальная тэмпература ўдзень у многіх раёнах не перавысіць +6+12°С, толькі па захадзе краіны пры праясненнях паветра прагрэецца да +13+15°С. Атмасферны ціск на працягу дня вырасце на 10-12 мм рт. ст.

5 кастрычніка ў начныя і ранішнія гадзіны яшчэ адаб'ецца ўплыў які будзе страчваць актыўнасць цыклону, які адыходзіць на Верхнюю Волгу. Удзень з Заходняй Еўропы на тэрыторыю Беларусі распаўсюдзіцца вобласць падвышанага атмасфернага ціску, толькі па паўночным усходзе краіны захаваецца ўплыў няўстойлівай паветранай масы ў тылавой частцы цыклона. Уначы і раніцай месцамі, удзень па паўночным усходзе краіны пройдуць кароткачасовыя дажджы. У начныя і ранішнія гадзіны ў заходніх раёнах слабы туман. Вецер заходняй чвэрці сярэдні, уночы парывісты. Тэмпература паветра ўночы +2 +8°С, удзень +9+14°С, па паўднёвым захадзе да +16°С.

6 кастрычніка надвор'е ў асноўным будзе вызначаць вобласць падвышанага атмасфернага ціску, таму істотных ападкаў не чакаецца, толькі па поўначы краіны адаб'ецца ўплыў малаактыўнага атмасфернага фронту, з якім месцамі магчымы невялікія дажджы. Уночы і раніцай слабы туман. Вецер паўднёва-заходні, заходні сярэдні, удзень парывісты. Тэмпература паветра ўночы +4 +10°С, удзень ад +12°С па паўночным усходзе да +20°С па паўднёвым захадзе краіны.