На мяжы Беларусі з Польшчай затрымалі расейцаў з буйной партыяй гашышу
4- 4.10.2022, 14:33
- 7,314
Яго перавозілі ў каробках сярод прадуктаў.
Беларускія памежнікі перахапілі буйную партыю гашышу. Яе спрабавалі правезці праз мяжу з боку Польшчы двое грамадзян Расеі.
Як паведаміў ДПК, мужчына 1997 і 1989 года нараджэння былі затрыманыя ў панядзелак у пункце пропуску «Брэст».
«Пры аглядзе легкавога аўтамабіля памежны патруль з дапамогай службовага сабакі знайшоў поліэтыленавыя скруткі з рэчывам цёмна-зялёнага колеру. Іх перавозілі ў каробках сярод прадуктаў. Экспэртыза паказала, што канфіскаванае рэчыва масай, большай за 80 кг, з'яўляецца гашышам», - праінфармавалі ў ДПК.
Распачатыя крымінальныя справы за незаконнае абарачэнне і перамяшчэнне праз дзяржаўную граніцу наркатычных сродкаў.