Лукашэнка - гэта не Беларусь
25- 4.10.2022, 16:56
- 28,616
Трохпрацэнтны зноў вызначыўся адыёзнымі заявамі.
Тэлеграм-канал «Баста!» апублікаваў ліст чытача:
- Трохпрацэнтны прадаўжае рабіць адыёзныя заявы, маўляў, беларусы ўвесь гэты час ужо бяруць удзел у вайне супраць Украіны, а на заходніх межах NATO ва ўсю «рыхтуецца да нападу» на Беларусь. Вось толькі ў яго кішка тонкая: нават пры абвяшчэнні мабілізацыі, беларусы не пойдуць ваяваць супраць украінцаў. Мы не расейцы. Кожны трэці беларус хаця б 1 раз ездзіў на закупы ў Польшчу, Літву. Мы падарожнічалі, бачылі, як жывуць людзі, ведаем, хто наш сябар, а хто - вораг.
Лукашэнка - гэта не Беларусь. У яго галаве суцэльны калгас з рабскім, рашысцкім мысленнем. Яшчэ і дзікі страх перад ягоным ментарам Пуціным.
Аднак нават ён разумее, што далей недарэчных заяў і запалохванняў мабілізацыяй ён пайсці не можа. Колькі б ён не здзекаваўся з нашага народа, колькі б людзей не рэпрэсаваў, ён не зможа зламаць волю беларусаў: яна заўсёды будзе належаць нам. Калі надыдзе гадзіна, мы яму гэта прадэманструем.
Жыве Беларусь!