У Беларусі зацвердзілі парадак працы ВНУ
4- 5.10.2022, 10:12
- 3,948
Лукашысты вызначылі, якія «функцыі і задачы» ёсць у ВНУ акрамя навучальных.
У Беларусі Міністэрства адукацыі зацвердзіла парадак працы ВНУ. Палажэнне, якое рэгламентуе дзейнасць беларускіх установаў вышэйшай адукацыі, апублікавалі на Нацыянальным прававым партале.
Так, згодна з пастановай Мінадукацыі (№311 ад 16 верасня 2022-га) у Беларусі вызначаныя функцыі, задачы, абавязкі і правы ВНУ.
Напрыклад, сярод задачаў вышэйшых навучальных установаў, акрамя падрыхтоўкі спецыялістаў з вышэйшай адукацыяй і арганізацыі навуковай дзейнасці называюць: развіццё асобы студэнтаў, іх «грамадзянскае, патрыятычнае і духоўна-маральнае выхаванне», стварэнне бяспечных умоваў для вучобы, а таксама арганізацыю ідэалагічнай працы і рэалізацыю дзяржаўнай «моладзевай палітыкі».
У функцыях беларускіх ВНУ пазначаныя:
– размеркаванне выпускнікоў;
– працаўладкаванне ў лік броні;
– арганізацыя і правядзенне алімпіядаў, турніраў, конкурсаў і г.д.;
– сацабарона навучэнцаў;
– арганізацыя і ажыццяўленне маркетынгавых даследаванняў;
– маніторынг рынку адукацыйных паслуг і іншыя.
Акрамя таго, у пастанове Мінадукацыі вызначаюцца пытанні дзейнасці органаў самакіравання ў ВНУ. Палажэнне распаўсюджваецца на ўсе вышэйшыя ўстановы адукацыі ў Беларусі, гэта значыць любой формы ўласнасці і падпарадкаванасці.
Дакумент пачынае дзеянне адразу пасля апублікавання.