Пянткоўскі: Пуціна могуць абвясціць «хворым» і адправіць у адстаўку

Палітолаг назваў прамежкавы варыянт адхілення ад улады кіраўніка Крамля.

Расейскі палітолаг і публіцыст Андрэй Пянткоўскі назваў самы верагодны, на яго думку, варыянт адстаўкі расейскага дыктатара Уладзіміра Пуціна.

Пра гэта ішла размова ў эфіры ФЕЙГІН LIVE.

«Яны дастаткова глыбока зразумелі, што ў вайне саступілі, і я давяраю тым звесткам, якія ёсць, што [Юрый] Кавальчук (мільярдэр, алігарх і паплечнік Пуціна, яго называюць адказным за дэзінфармацыйную вайну – рэд.) абмяркоўваў з Пуціным мяккі варыянт, што ўсім трэба саскокваць», – кажа Пянткоўскі.

Паводле ягоных слоў, уладу, магчыма, перададуць Савету бяспекі РФ. Дыскусіі датычна адхілення Пуціна скончацца, калі УСУ вызваляць Херсон.

«Адным з прамежкавых варыянтаў можа быць: абвяшчаем, што з прычыны стану здароўя, хворы, часова перадае абавязкі калектыўнаму органу. Ніхто ў спадчыннікі не ірвецца, каму патрэбная адказнасць за капітуляцыю. Усё будзе хавацца за калектыўным органам, Радай бяспекі. Перад Самаркандам (горад ва Узбекістане, дзе 15-16 верасня праходзіў саміт Шанхайскай арганізацыі супрацоўніцтва), я думаю, такі варыянт абмяркоўваўся. Самарканд усё змяніў. Пуцін рэзка падвысіў стаўкі, але вайна - кожныя новыя поспехі ўкраінскага войска... Херсон проста закрые ўсе дыскусіі. Пасля Херсона гэты варыянт у мяккай ці жорсткай форме будзе рэалізаваны», - дадаў палітолаг.