У Севастопалі прагрымелі выбухі ў раёне авіябазы РФ, ідзе чорны дым
8- 5.10.2022, 12:23
- 20,132
Мясцовыя жыхары паведамляюць пра пажар у горадзе.
У часова акупаваным Расіяй Севастопалі 5 кастрычніка прагрымелі выбухі і ўзнікла ўзгаранне. Чорны густы дым мясцовыя жыхары бачаць у паўночным баку горада.
Аб гэтым піша Telegram-канал «Крымскі вецер». Аўтары канала мяркуюць, што чарговы «хлопОК» зноў наведаў захоплены акупантамі аэрадром Бельбек.
«Зноў нешта гарыць з чорным дымам на паўночным баку Севастопаля. Зноў аэрадром Бельбэк? Удакладняем», - сказана ў паведамленні.
«Крымскі вецер» таксама апублікаваў фота, на якім бачны дым над Севастопалем. Як мяркуецца, яно зроблена 5 кастрычніка.